Kosova bëhet sot me presidente të re, mbahet ceremonia sopeciale e inaugurimit

Republika e Kosovës do të mirëpresë sot ceremoninë zyrtare të betimit dhe inaugurimit të presidentes së re, Justina Shiroka-Pula, e cila shënon një moment të rëndësishëm për institucionet e vendit. Ngjarja solemne do të nisë në orën 15:00 dhe do të zhvillohet në ambientet e jashtme të oborrit të Presidencës, nën një organizim të dedikuar për këtë rast. Sipas programit zyrtar të bërë publik nga Presidenca, në këtë ngjarje pritet të jenë të pranishëm personalitete të larta shtetërore, krerë të institucioneve, si dhe mysafirë vendorë e ndërkombëtarë. Institucioni i Presidencës u ka bërë thirrje të gjitha ekipeve mediale që të marrin pjesë për të mbuluar dhe përcjellë në kohë reale çdo moment të kësaj ceremonie të rëndësishme shtetërore.