Zgjedhja e Presidentes së re të Kosovës, Rama dërgon mesazhin e urimit

Pasi ka lënë pas një periudhë bllokimi të gjatë politik, Kosova ka finalizuar plotësimin e kupolës së saj institucionale, duke emëruar në krye të shtetit Presidenten e re të Republikës. Në lidhje me këtë zhvillim ka reaguar kryeministri i Shqipërisë, Edi Rama, i cili e ka cilësuar këtë ngjarje si një hap thelbësor për rikthimin e normalitetit funksional të institucioneve, sidomos në një periudhë me rëndësi të veçantë për vendin, Ballkanin Perëndimor dhe kontinentin evropian. “Urime të përzemërta akademikes së mirënjohur, zonjës Justina Shiroka-Pula, për zgjedhjen Presidente e Republikës së Kosovës, në një fazë sfiduese për Kosovën dhe në një kohë sfiduese për krejt rajonin tonë e për vetë Europën. Mbarësi e sukses për ju dhe Kosovën zonja Presidente”, shkruan Rama.