Axhenda e 7 tetorit: Nga siguria kibernetike tek arritjet akademike dhe arti

Dita e sotme, 7 tetor, sjell një sërë aktivitetesh të rëndësishme në kryeqytet dhe rrethinë, duke përfshirë ngjarje që variojnë nga teknologjia e deri te kultura dhe edukimi. Në orën 09:30, në Klan Arena në Prishtinë, do të nisë Konferenca mbi sigurinë kibernetike, e cila do të zgjasë deri në orën 16:30, duke mbledhur ekspertë për të diskutuar sfidat më të fundit në këtë fushë. Ndërkohë, në hotelin “Emerald” në Prishtinë, duke filluar nga ora 10:00, do të mbahet dita e dytë e konferencës kombëtare kushtuar ndërgjegjësimit mbi menopauzën, një ngjarje që synon trajtimin e rëndësisë së shëndetit të gruas. Në të njëjtën orë, përkatësisht në orën 10:00, shkollat “International Maarif Schools of Kosova” (IMSK) organizojnë ceremoninë festive “Sukseset e IMSK 2025–2026”. Ngjarja, e cila do të zhvillohet në ambientet e shkollës në magjistralen Prishtinë–Ferizaj (km 15, fshati Çellapek, Lipjan), mbahet nën patronazhin e Ambasadës dhe ka për qëllim shpërblimin e nxënësve për sukseset e tyre në gara akademike dhe sportive, si në nivel kombëtar, ashtu edhe ndërkombëtar. Po ashtu, në hotelin “Emerald”, në sallën “Bethoven”, në orën 10:00 do të fillojë dita e tretë e Forumit për Shoqëri Civile, i cili është pjesë e iniciativës rajonale të Procesit të Berlinit. Agjenda e kësaj dite mbyllet me artin kinematografik, ku do të shfaqet premiera e filmit “Dua”, një krijim i regjisores së njohur Blerta Basholli.