Zgjedhja e presidentes: Votimi përmbyllet me vonesë, tejkalohet afati kushtetues

Procesi i votimit për zgjedhjen e presidentit të ri të vendit ka përfunduar me një tejkalim të vogël kohor. Ndonëse afati i fundit i përcaktuar nga aktgjykimi i Gjykatës Kushtetuese për përmbylljen e këtij procesi ishte data 6 tetor, deputetët kanë vazhduar hedhjen e votave edhe pas mesnatës. Saktësisht, procesi i votimit është mbyllur në orën 00:03, duke shënuar kështu një vonesë prej tre minutash mbi afatin e parashikuar ligjor. Në këtë garë për postin e të parës së shtetit janë dy kandidate: Justina Shiroka-Pula dhe Eliza Hoxha. Aktualisht, procesi ka kaluar në fazën e numërimit, ku po bëhet prezantimi i votave të hedhura nga deputetët për të dyja kandidatet në garë.