Prani e lartë e forcave të rendit, bllokohet hyrja për në sheshin “Skënderbeu” në kryeqytet

Një numër i shtuar i efektivëve të policisë ka bllokuar qasjen drejt sheshit “Skënderbeu” në Prishtinë, ndërkohë që grupe qytetarësh po vazhdojnë të qëndrojnë në afërsi të ndërtesës së Kuvendit të Kosovës. Autoritetet e rendit kanë ngritur nivelin e sigurisë në terren, duke kufizuar lëvizjen dhe hyrjen drejt zonës ku po zhvillohet protesta e tanishme. Këto masa të rrepta të sigurisë ndërmerren vetëm një ditë pas incidenteve të dhunshme të regjistruara mes protestuesve dhe Policisë së Kosovës, ngjarje kjo që la pas dhjetëra të lënduar dhe disa persona të arrestuar.