Simeone synon goditjen e madhe: Trajneri i Atleticos ëndërron transferimin e yllit portugez

Pavarësisht faktit se marrëveshja e tij aktuale përfundon në mbyllje të këtij sezoni, Diego Simeone dhe drejtuesit e Atletico Madridit janë drejt arritjes së një akordi për vazhdimin e bashkëpunimit edhe për disa vite të tjera. Tekniku argjentinas, i njohur si “El Cholo”, ka nisur tashmë planifikimet strategike për merkaton e verës që vjen, duke vënë në shënjestër emra të rëndësishëm për edicionin e ardhshëm. Sipas informacioneve të fundit, dëshira e zjarrtë e strategut të madrilenëve është sigurimi i shërbimeve të Bruno Fernandes, një lojtar që ai e kishte kërkuar në radhët e tij edhe në vitin 2017, periudhë kjo para se mesfushori të vishej fanellën e Manchester United. Megjithatë, arritja e një marrëveshjeje për portugezin pritet të paraqesë sfida të shumta për klubin nga kryeqyteti spanjoll. Fillimisht, përfaqësuesi portugez ndiqet me vëmendje nga disa skuadra elitare të kampionateve të ndryshme evropiane. Një tjetër pengesë e konsiderueshme mbetet paga e tij e lartë, e cila përbën një kosto të papërballueshme për një pjesë të madhe të klubeve. Për më tepër, nuk përjashtohet aspak mundësia që lojtari të aktivizojë opsionin e zgjatjes së kontratës me “Djajtë e Kuq”.