Elegancë klasike dhe stil modern: Sabrina Carpenter mahnit në 'Video Music Awards' me dy veshje të veçanta nga 'Dolce & Gabbana'

Këngëtarja dhe aktorja e njohur Sabrina Carpenter ka qenë në qendër të vëmendjes gjatë parakalimit dhe performancës në ndarjen e çmimeve "Video Music Awards". Ajo ka shkëlqyer me dy përzgjedhje të jashtëzakonshme veshjesh të realizuara nga shtëpia e njohur e modës "Dolce & Gabbana", duke krijuar një gërshetim perfekt mes tradicionales dhe modernes. Në paraqitjen e saj të parë, Carpenter u prezantua me një fustan elegant në nuancë rozë të hapur (rozë pluhur), i cili i përket koleksionit vjeshtë/dimër të vitit 2004. Ky krijim i veçantë dallohej për qëndisjet delikate me lule të zeza dhe detajet e punuara me rruaza, duke sjellë një frymë nostalgjike e plot stil në tapetin e kuq. Për performancën e saj në skenë, artistja zgjodhi një stil krejtësisht ndryshe dhe mjaft guximtar. Ajo u ngjit në skenë me një veshje të dizajnuar posaçërisht për të, e përbërë nga një këmishë e bardhë, sytjena të zeza dhe pantallona të shkurtra me bel të lartë, të cilat ishin të zbukuruara me kristale të zeza që shkëlqenin nën dritat e skenës.