A po dështon strategjia për rrëzimin e Kurtit? Analisti Gashi jep paralajmërimin e fortë

Analisti politik Shkëlzen Gashi ka analizuar zhvillimet e fundit në skenën politike të vendit, duke u ndalur te protesta e organizuar para Kuvendit të Kosovës, ku po kërkohet miratimi në lexim të dytë i ndryshimeve ligjore për Dhomat e Specializuara. Sipas Gashit, pavarësisht synimeve të caktuara politike për të rrëzuar nga pushteti kryeministrin Albin Kurti, veprimet e ndërmarra deri më tani rrezikojnë të prodhojnë një efekt krejtësisht të anasjellë. Në një postim të bërë në rrjetet sociale, ai ka theksuar se ndonëse ambicia për ta rrëzuar kreun e ekzekutivit është e kuptueshme, mjetet dhe qasja e përdorur po japin rezultatin e kundërt duke e fuqizuar atë. Këto komente vijnë në një moment kur qytetarët janë tubuar në afërsi të ndërtesës legjislative, ndërsa protesta e paralajmëruar në sheshin “Skënderbeu” mbetet e fokusuar te puna rreth ndryshimeve në Ligjin për Dhomat e Specializuara.