Afati limit për presidentin e ri: Si u përcaktua 6 tetori nga Gjykata Kushtetuese

Përmes vendimit të zbardhur gjatë muajit shtator, i cili lidhet me procesin e konstituimit të Kuvendit dhe formimit të qeverisë së re, Gjykata Kushtetuese ka bërë të ditur se 6 tetori shërben si afati i fundit për zgjedhjen e kreut të shtetit. Sipas vlerësimit të Kushtetueses, afati ligjor prej 60 ditësh për këtë proces ka filluar të rrjedhë zyrtarisht më datë 8 gusht. Kjo erdhi pasi në këtë ditë u mbajt vazhdimi i seancës konstituive të legjislativit, e cila kishte nisur fillimisht më 6 gusht. Në njoftimin zyrtar të institucionit më të lartë të interpretimit kushtetues, vihet theksi te rëndësia e stabilitetit institucional. “Prandaj, duke marrë për bazë domosdoshmërinë e funksionimit të institucioneve kushtetuese, përkatësisht vazhdimin e funksionimit të institucionit të Presidentit, me mandat dhe pushtet të plotë kushtetues, Gjykata konsideron që Kuvendi deri më 6 tetor 2026 duhet zhvilluar dhe përfunduar procedura për zgjedhjen e Presidentit”, thuhet në këtë vendim.