Tubim madhështor në Prizren, Totaj: Historia dhe sakrifica e UÇK-së meritojnë respekt e dinjitet

Kryetari i Komunës së Prizrenit, Shaqir Totaj, ka drejtuar një mesazh të fuqishëm nga sheshi historik “Shadërvan”, ku qindra qytetarë ishin mbledhur për të shprehur mbështetjen e tyre ndaj Ushtrisë Çlirimtare të Kosovës (UÇK). Gjatë fjalës së tij, kreu i Prizrenit theksoi se e kaluara jonë çlirimtare dhe përpjekjet mbinjerëzore për liri kërkojnë trajtim me dinjitet dhe nderim të lartë, duke ritheksuar mbështetjen e palëkundur për pastërtinë e luftës së lavdishme të UÇK-së. “LIRIA KA EMËR!”, ka shkruar Totaj në mesazhin e tij publik, duke përmbyllur fjalën e tij me thirrjen se kjo epokë e lavdishme nuk mund të cenohet kurrë.