Tensioni para ekzekutivit: Protestuesit bllokojnë qasjen në Qeveri dhe hedhin mjete piroteknike me thirrjet “UÇK”

Një grup protestuesish është vendosur në afërsi të ndërtesës së ekzekutivit kosovar, duke lëshuar thirrje mbështetëse për Ushtrinë Çlirimtare të Kosovës dhe duke hedhur lëndë piroteknike drejt oborrit qeveritar, çka ka sjellë edhe bllokimin e pikave hyrëse dhe dalëse të objektit. Tubuesit po ushtrojnë presion mbi Qeverinë dhe ligjvënësit e Kuvendit që të procedojnë me miratimin e Projektligjit për amandamentimin e Ligjit për Dhomat e Specializuara dhe Prokurorinë e Specializuar, duke kërkuar kalimin e tij edhe në leximin e dytë. Kjo protestë vjen si një reagim i organizuar kundër vendimeve dhe dënimeve të shpallura nga Gjykata Speciale në Hagë ndaj ish-udhëheqësve të UÇK-së.