Kushte atmosferike “zvicerane” në Shkup, Maqedonia e Bardhit gati për sfidën e madhe

Përfaqësuesja e Maqedonisë, e udhëhequr nga kapiteni Enis Bardhi, ka përmbyllur seancën e fundit stërvitjesh në stadiumin “Todor Proeski” në kryeqytetin maqedonas, në prag të ndeshjes së nesërme kundër Zvicrës. Trupa e lojtarëve të përzgjedhur nga trajneri Goce Sedloski zbriti në fushë nën një mot me shi dhe me temperatura më të ulëta krahasuar me ditët e kaluara. Këto kushte atmosferike krijuan një ambient thuajse identik me ato që zakonisht karakterizojnë vendin helvetik, duke i dhënë një nuancë simbolike përgatitjeve të fundit. Në lidhje me përballjen e nesërme, analistët dhe mediat vendase theksojnë se statusi i favoritit dihet qartë, por njëkohësisht shtojnë se ekipi maqedonas ka për detyrë të dëshmojë potencialin dhe vlerat e tij reale përballë një kundërshtari të fuqishëm.