“Nuk mund t’i dal në sy babait tim…” – Këngëtarja e njohur bën rrëfimin e dhimbshëm pas skandalit me videot intime

Pas reagimit të parë zyrtar, këngëtarja Blerina Matraku është rikthyer sërish me një tjetër mesazh në rrjetet sociale, duke folur hapur për situatën e rëndë të krijuar pas publikimit të pamjeve të saj intime me kompozitorin e njohur, Adrian Hila. Në këtë postim të gjatë, artistja shpreh keqardhje të thellë për cilitdo që i është shkaktuar dhimbje, duke kërkuar falje publike dhe duke i drejtuar një falje të veçantë Klaudias, bashkëshortes së Adrian Hilës, si dhe vajzave të tij. Matraku pranon hapur gabimin e saj dhe thekson se është e gatshme të mbajë përgjegjësi të plotë për veprimet e ndërmarra. Ajo shton se lotët dhe vuajtja aktuale kanë kaluar çdo kufi njerëzor, ndërsa sqaron se sfidat e saj në jetë dhe karrierë i ka përballur pa mbështetje, duke pranuar se disa nga deklaratat e saj të mëparshme kanë qenë të nxituara apo të ekzagjeruara. Duke vijuar rrëfimin, ajo sqaron se nuk është një artiste e privilegjuar e studiove të mëdha, por dikush që karrierën e ka ngritur përmes sakrificave dhe punës së palodhur. Ajo rikthehet sërish te kërkesa e ndjesës për Klaudia Hilën dhe vajzat e saj, për lëndimin që mund t’u ketë sjellë kjo situatë. “Lotët e çdo gruaje apo vajze, o Zot, lotët e çdo fëmije, lotët e nënës sime, të Klaudias…”, shprehet ajo në mesazhin e saj emocional, duke shtuar se pendesa e saj është e sinqertë dhe se pesha e dhimbjes tashmë ka dalë jashtë çdo kontrolli. Ky reagim vjen pak ditë pas deklaratës së parë të artistes, ku ajo u bënte thirrje përdoruesve që të ndalonin shpërndarjen e videove intime dhe kërkonte mbrojtjen e privatësisë së saj.