Vazhdojnë tubimet e nismës “Jo në emrin tim”, Çlirim Haziri thirrje qytetarëve për protestë në Prishtinë

Iniciativa qytetare “Jo në emrin tim” do të mbajë sot protestën e saj të radhës, e cila shënon ditën e 19-të të kësaj rezistence. Përfaqësuesi dhe organizatori i këtyre tubimeve, Çlirim Haziri, u ka bërë thirrje qytetarëve që t'i bashkohen thirrjes për drejtësi përmes një tubimi në sheshin “Skënderbeu” në kryeqytet. Sipas njoftimit zyrtar të bërë publik nga Haziri, qytetarët janë ftuar të mblidhen në orën 19:00. Edhe kësaj radhe, fokusi mbetet te kërkesa e pandryshuar për miratimin e ndryshimeve në Ligjin për Dhomat e Specializuara. Duke theksuar vendosmërinë e organizatorëve, Haziri ka shprehur qëndrimin e palëkundur të nismës përmes një mesazhi publik: “Nuk lodhemi. Nuk ndalemi. Kërkesa jonë është e qartë: VOTOJENI LIGJIN!” Në mbyllje të thirrjes së tij drejtuar opinionit publik, ai ka kaktuar tubimin e mbrëmjes si një akt solidariteti dhe mbështetjeje: “Për UÇK-në. Për drejtësi. Shihemi në shesh!”