Përplasje e rëndë në Pogradec, kamioni godet biciklistin dhe e dërgon në spital në gjendje kritike

Një ngjarje e rëndë rrugore është regjistruar pak çaste më parë në qytetin e Pogradecit, pikërisht në segmentin rrugor që lidh qytetin me zonën e Drilonit. Sipas të dhënave paraprake nga terreni, një automjet i tonazhit të rëndë (kamion) ka përplasur një qytetar që po udhëtonte me biçikletë, në afërsi të hyrjes së një kantieri ndërtimi. Akoma sipas informacioneve zyrtare, i dëmtuari ndodhet në kushte shëndetësore kritike në ambientet e spitalit të Pogradecit, ndërsa po bëhen gati procedurat për transportimin e tij urgjent drejt spitaleve terciare në Tiranë për ndërhyrje më të specializuara mjekësore. Efektivët e policisë kanë mbërritur menjëherë në vendin e ngjarjes dhe po punojnë intesivisht për të zbardhur rrethanat dhe shkaqet e plota të këtij aksidenti.