Çmimi astronomik për Kenan Yildiz, Juventusi vendos kushtin për talentin turk

Juventusi e vlerëson jo më pak se 100 milionë euro kartonin e Kenan Yildiz, ndërkohë që sulmuesi vijon të mbetet në qendër të vëmendjes së gjigantëve evropianë, me Realin e Madridit që kryeson listën e pretendentëve në prag të merkatos së verës së vitit 2027. Interesimi i madrilenëve për 21-vjeçarin kishte nisur që në vitin 2025, kohë kur në krye të pankinës spanjolle përflitej Xabi Alonso dhe para se klubi të zgjidhte çështjen e rinovimit të Vinicius. Pavarësisht rrethanave, forma e shkëlqyer e turkut ka mbajtur të gjallë ambiciet e "Los Blancos" për ta afruar atë si një tjetër forcë goditëse në repartin e sulmit. Nga ana e tyre, bardhezinjtë e kanë siguruar të ardhmen e talentit përmes një kontrate të re që i garanton një pagë vjetore prej 7 milionë eurosh, duke e shndërruar atë në shtyllën kurrizore të projektit të ri sportiv dhe duke e shpallur zyrtarisht si të pashitshëm për merkaton verore. Megjithatë, klubi nga Torino ka marrë masa paraprake duke transferuar Kerim Alajbegovic, një lëvizje strategjike për të siguruar mbulimin e duhur në krahun e Yildiz. Kjo masë mbrojtëse vjen si pasiguri nëse në adresë të klubit do të mbërrijë një ofertë e jashtëzakonshme gjatë verës së vitit 2027, ose në skenarin ku Juventusi nuk siguron biletën për në Ligën e Kampioneve për sezonin e ardhshëm, situatë e cila mund ta detyrojë drejtorinë të sakrifikojë yllin e saj me një shitje rekord.