Teherani sfidon SHBA-në: Gati për çdo skenar, nga fronti i luftës te tryezat e bisedimeve

Kryetari i Parlamentit të Iranit ka deklaruar gjatë ditës së diel se udhëheqja në Teherani nuk ndikohet as nga entuziazmi dhe as nga frika përballë lëvizjeve të Shteteve të Bashkuara të Amerikës, duke pohuar se vendi i tij mbetet plotësisht i përgatitur si për konfrontim ushtarak, ashtu edhe për procese negociuese. Dukefolurpara ligjvënësveiranianë, Mohammad Bagher Qalibaf u shpreh se Teherani është i angazhuar në terrenin ushtarak me kapacitet të plotë dhe se do t'i përgjigjet palës tjetër me zhvillime të papritura, ndërkohë që paralelisht shfrytëzon mjetet diplomatike për të siguruar epërsi strategjike dhe për të mbrojtur interesat e qytetarëve iranianë, sipas raportimeve të agjencisë gjysmëzyrtare të lajmeve Tasnim. Sipas Qalibaf, Uashingtoni ka dërguar disa iniciativa përmes palëve ndërmjetësuese, pasi Teherani dorëzoi një plan veprimi dyditor për zhbllokimin e Ngushticës së Hormuzit. Ai riafirmoi se ky aks detar jetik nuk do të zhbllokohet "derisa të plotësohen shtatë kërkesat tona të mbështetura në Memorandumin e Islamabadit", duke iu referuar kështu marrëveshjes kuadër të finalizuar gjatë muajit qershor. Gjatë muajit të kaluar, përmes diplomacisë ndërmjetësuese të Katarit, Irani i dorëzoi zyrtarisht SHBA-së paketën e kushteve për dhënien e fundit konfliktit të nisur më 28 shkurt. Kërkesat e palës iraniane përfshijnë armëpushim të plotë në të gjitha frontet e hapura, zhbllokimin e aseteve financiare iraniane që mbahen të ngrira, si dhe heqjen e menjëhershme të bllokadës detare që rëndon mbi portet e vendit.