Adrenalina arratiset në pista: “Gogi” triumfon në Drag Race 3, spektakli vazhdon të dielën

Skender Potera, i njohur me nofkën “Gogi”, është shpallur fitues i garës “Drag Race 3”, e cila mbeti e papërfunduar që nga muaji gusht. Duke drejtuar automjetin e tij Audi TT RS, Potera arriti të përshkojë shtegun prej 402 metrash për vetëm 08:523 sekonda, duke regjistruar njëkohësisht një shpejtësi maksimale prej 290 km/h. “Ishte rezultat i mjaftueshëm për të fituar garën, por unë gjithmonë them se ka vend për përmirësime. Shpresoj që nesër të kem kohë më të mirë”, u shpreh Potera pas këtij triumfi. Gjatë ditës së shtunë, në kuadër të “Drag Race 3”, u dallua edhe Burim Isufi me Audi S3, i cili mori vendin e parë në Klasën 9, ndërsa pozita e dytë i theu Kushtrim Musliut me BMW 130 xd. Po ashtu, gjatë së shtunës u mbajtën edhe sfidat për klasat 16, 15, 14, 13 dhe 12 në kuadër të “Drag Race 4”, ndërsa emocioni do të vazhdojë edhe nesër (e diel, 4 tetor) me kategoritë e tjera më të shpejta.