Merdare: Sekuestrohen 50 mijë euro të padeklaruara në autobusin e linjës Itali-Kosovë

Autoritetet doganore kanë arritur të parandalojnë një rast të mosdeklarimit të mjeteve monetare në Pikën e Kalimit Kufitar në Merdare, ku janë kapur 50 mijë euro të fshehura brenda bagazhit të një autobusi. Gjatë operacionit të zhvilluar këtë të premte, më 04.10.2026, strukturat e Sektorit Antikontrabandë të Doganës së Kosovës, në bashkëpunim të ngushtë me zyrtarët e tjerë doganorë dhe ata policorë, ndërmorën kontrolle të rrepta në hyrje të vendit tonë. Në shënjestër të kontrollit të detajuar ishte një autobus i linjës ndërkombëtare Itali–Kosovë, ku gjatë inspektimit të bagazhit personal të shoferit u zbulua shuma prej 50,000 eurosh, e cila nuk ishte deklaruar kurrë pranë organeve kompetente. Në lidhje me këtë rast, Dogana e Kosovës ka përsëritur thirrjen dhe detyrimin ligjor për të gjithë udhëtarët. Çdo qytetar që hyn apo dalë nga territori i Republikës së Kosovës dhe mban me vete mjete monetare prej 10 mijë eurosh ose më shumë, është i detyruar me ligj t'i deklarojë ato zyrtarisht gjatë kalimit të kufirit.