Incident i rëndë në Graçanicë: Punëtori sulmohet dhe kanoset me armë nga punëdhënësi dhe dy persona të tjerë

Një ngjarje e rëndë ka ndodhur në fshatin Llapnasellë të Graçanicës, ku një punëtor ka rënë pre e dhunës fizike dhe kanosjes me armë zjarri nga ana e punëdhënësit të tij dhe dy personave të tjerë. Sipas informacioneve zyrtare nga Policia e Kosovës, incidenti është regjistruar më 3 tetor, rreth orës 17:20. Për shkak të lëndimeve të pësuara, viktima onkuese ka kërkuar dhe ka pranuar trajtimin e nevojshëm mjekësor. Ndërkohë, efektivët e policisë kanë ndërhyrë menjëherë duke shoqëruar të dyshuarit në stacionin policor. Gjatë operacionit, autoritetet kanë konfiskuar një armë zjarri së bashku me një karikator. Në përfundim të procedurave hetimore dhe pas intervistimit të palëve, me urdhër të prokurorit kompetent, të dyshuarit janë liruar, ndërsa rasti do të ndiqet tutje në procedurë të rregullt ligjore.