Zvicra barazon me Slloveninë në sfidën ku Ardon Jashari luan titullar

Përfaqësuesja e Zvicrës është duke u përballur me Slloveninë, teksa rezultati aktual shënon barazim 1:1, në një ndeshje ku mesfushori me origjinë shqiptare, Ardon Jashari, ka nisur takimin nga minuta e parë. Dueli ka nisur me ritëm të lartë dhe emocione që në minutat e para. Ishte sulmuesi slloven Zan Vipotnik ai i cili në minutën e dytë pranoi një pasim të saktë në hyrje të zonës dhe me një goditje të fuqishme mposhti portierin zviceran, duke kaluar kombëtaren e tij në epërsi 0:1. Pak çaste më vonë, saktësisht në minutën e katërt, u desh ndërhyrja e sistemit VAR për të vlerësuar rregullsinë e golit. Kryesimtari Ivan Kruzliak konfirmoi vendimin e tij paraprak se nuk kishte pasur ndonjë parregullsi, duke e lënë rezultatin të vlefshëm. Përgjigja e Zvicrës nuk vonoi shumë. Në minutën e dhjetë, pas një aksioni të tensionuar, topi përfundoi në rrjetë pasi mbrojtësi slloven Erik Janzha gaboi portën e tij, duke shënuar autogol dhe barazuar shifrat në 1:1. Më vonë, në minutën e 17-të, sllovenët rrezikuan përmes një goditjeje nga këndi të ekzekutuar nga Danijel Sturm, por prapavija zvicerane ishte e vëmendshme duke larguar rrezikun nga zona e rrezikshme. Ndërkohë, në minutën e 25-të, talenti Ardon Jashari mori përsipër një aksion ofensiv, duke tentuar të pasonte te një bashkëlojtar i lirë brenda zonës, mirëpo portieri i njohur slloven, Jan Oblak, ndërhyri në kohë duke neutralizuar rrezikun.