Ndryshimet në Ligjin për Gjykatën Speciale, Ministria e Drejtësisë kërkon analizë të thelluar kushtetuese në Kuvend

Ministria e Drejtësisë ka theksuar se nisma legjislative për plotësim-ndryshimin e Ligjit për Dhomat e Specializuara dhe Zyrën e Prokurorit të Specializuar ka nevojë për një vlerësim të thelluar dhe të specializuar brenda institucionit të Kuvendit, me fokus të veçantë te harmonia e dispozitave me aktin më të lartë juridik dhe me angazhimet ndërkombëtare të vendit. Në qëndrimin zyrtar të këtij dikasteri vlerësohet se, duke marrë parasysh peshën dhe specifikën e kësaj nisme, bëhet fjalë për një proces me shkallë të lartë kompleksiteti, ku kryqëzohen standarde dhe norma të ndryshme juridike. Sipas vlerësimeve institucionale, është e domosdoshme që t'i kushtohet vëmendje e veçantë përshtatshmërisë së këtyre ndryshimeve me Kushtetutën e Republikës së Kosovës, duke përfshirë posaçërisht Amendamentin numër 24, si dhe me parimet dhe detyrimet që rrjedhin nga marrëveshjet dhe instrumentet ndërkombëtare. Në fund, nga ky dikaster bëhet e ditur se, nëpërmjet ekzekutivit, mbeten plotësisht të angazhuar dhe të gatshëm për të ofruar mbështetje dhe ekspertizë profesionale gjatë gjithë fazës së debateve dhe procedurave të mëtutjeshme parlamentare për këtë projektligj.