Karanfilova Panovska: Politikat bllokuese po e izolojnë vendin, ndërsa rajoni ecën drejt BE-së

Në vend të pozicioneve të përmirësuara në negociata që ishin premtuar, Maqedonia po përballet me një rënie të pozicionit të saj dhe me një rikthim të dialogut dypalësh me Bullgarinë. Zvarritja dhe pengimi i rrugës drejt Bashkimit Evropian po e largojnë gjithnjë e më shumë vendin nga anëtarësimi në këtë bllok, ka paralajmëruar nënkryetarja e LSDM-së, Fani Karanfilova Panovska. "Sa më shumë ta zvarritim procesin, aq më keq do të bëhet pozicioni i Maqedonisë. Dhe kjo ndodhi. Ursula von der Leyen e dërgoi Mickoskin në bisedime dypalëshe cu Bullgarinë", është shprehur Karanfilova Panovska. Ajo ka theksuar se shmangia e zbatimit të kornizës negociuese, e cila është miratuar nga 27 shtetet anëtare të BE-së, po sjell në mënyrë të pashmangshme bilateralizimin e të gjithë procesit integrues. "Na quajtën tradhtarë. Thanë se do ta rikthenin emrin. Premtuan se do ta ndërpresin Marrëveshjen e Prespës, premtuan se do të sigurojnë pozicione më të mira negociuese. Dhe çfarë ndodhi? Ata erdhën në pushtet në mënyrë që me ardhjen në pushtet ngadalë por me siguri Marrëveshja e Prespës të bëhej një kryevepër e diplomacisë për ta. Për Mucunskin, anëtarësimi në NATO është një gjë e madhe për sektorin e biznesit. Vetë Presidentja Siljanovska konfirmon se Marrëveshja e Prespës konfirmon si identitetin tonë maqedonas ashtu edhe gjuhën maqedonase", ka deklaruar Karanfilova Panovska. Ndërkohë që shtetet e tjera që synojnë anëtarësimin po shënojnë hapa para në procesin e negociatave dhe hapjen e kapitujve, ka shtuar ajo, Maqedonia po ndeshet me realitetin e hidhur se do të mbetet pa një udhërrëfyes të qartë për të ardhmen e saj evropiane, sipas qëndrimeve të bëra publike nga LSDM. Sipas vlerësimit të saj, vazhdimi i kësaj bllokade do të prodhojë pasoja të rënda për perspektivën e vendit, duke nxitur largimin e trurit dhe bizneseve, si dhe duke ndikuar drejtpërdrejt në varfërimin e qytetarëve.