Bedri Hamza zhvillon takim me drejtuesit e OVL-UÇK-së: Të bashkuar kundër padrejtësive

Kryetari i Organizatës së Veteranëve të Luftës, Bedri Hamza, ka zhvilluar një takim pune me krerët e Organizatës së Veteranëve të Luftës së Ushtrisë Çlirimtare të Kosovës. Gjatë këtij takimi, Hamza bëri të ditur se në fokus të bisedës kanë qenë sfidat aktuale me të cilat po ballafaqohet shteti ynë. “Ne folëm për rëndësinë e ruajtjes së dinjitetit, të së vërtetës për luftën tonë dhe të vlerave për të cilat u sakrifikuan breza të tërë”, u shpreh ai. Sipas tij, veteranët e UÇK-së mbajnë mbi supe kapitullin më të rëndësishëm të historisë kombëtare, pasi ishin pikërisht ata që qëndruan në orët më të errëta dhe bënë sakrifica sublime për lirinë që gëzojmë sot. Në shenjë mobilizimi, Hamza njoftoi se më 1 tetor, duke filluar nga ora 16:00, në sheshin “Skënderbeu” në Prishtinë, do të organizohet një tubim ku do të bashkohen veteranët, studentët dhe qytetarët e mbarë vendit. “Të gjithë bashkë kundër padrejtësisë!”, ka përmbyllur mesazhin e tij publik në rrjetet sociale, Bedri Hamza.