Protesta për UÇK-në: Çlirim Haziri i bën thirrje ministres Gërvalla të procedojë ligjin për Gjykatën Speciale

Edhe mbrëmjen e sotme, sheshi kryesor i Prishtinës u bë sërish arena e tubimit protestues kundër vendimeve ndaj ish-udhëheqësve të Ushtrisë Çlirimtare të Kosovës. Pas përmbylljes së protestës në zemër të kryeqytetit, pjesëmarrësit marshuan drejt ndërtesës së Ministrisë së Drejtësisë për të shprehur pakënaqësitë e tyre. Para këtij institucioni, udhëheqësi i nismës "Jo në emrin tim", Çlirim Haziri, iu drejtua drejtpërdrejt ministres Donika Gërvalla me kërkesën e prerë për dërgimin tutje të ligjit për Gjykatën Speciale, duke paralajmëruar se protestat do të jenë të vazhdueshme. "Kërkesën tonë ia sollëm qeverisë drejtpërdrejt te dyert e kësaj ministrie, te ministrja Donikë. I kërkojmë sot këtu që ta procedojë atë ligj të UÇK-së, ta procedojë, sepse mbi tavolinën e saj ajo mban dinjitetin e kombit tonë dhe identitetin tonë kombëtar. Ne nuk do të ndalemi asnjë natë të vetme derisa ky dikaster të ndërmarrë hapat për procedimin e këtij ligji", deklaroi ndër të tjera Haziri para turmës.