Çështja e Presidentit, Bedri Hamza dhe Rrahman Rama futen në ndërtesën e Qeverisë për takimin me Albin Kurtin

Kryetari i Partisë Demokratike të Kosovës, Bedri Hamza, së bashku me deputetin Rrahman Rama, sapo kanë mbërritur në objektin e Ekzekutivit, ku do të zhvillojnë një takim me kryeministrin Albin Kurti. Sipas informacioneve nga burime pranë zhvillimeve, në këtë tryezë diskutimi pritet të trajtohen tema kyçe, përfshirë amendamentet e mundshme për Ligjin e Dhomave të Specializuara, si dhe procesi i përzgjedhjes së kreut të ri të shtetit. Ky zhvillim vjen menjëherë pas deklaratave të kryeministrit Kurti gjatë ditës së sotme, i cili konfirmoi se kanë nisur konsultimet intensive për të arritur një konsensus rreth postit presidencial. “Kemi filluar komunikimet dhe, natyrisht, kjo fundjavë është vendimtare për të pasur një marrëveshje, që javën e ardhshme të kemi presidentin”, kishte pohuar Kurti më herët.