Perspektiva evropiane e Kosovës në fokus: Ambasadori Schuebel takon deputetin e lartë gjerman

Kreu i Zyrës së Bashkimit Evropian në Kosovë, ambasadori Dirk Schuebel, ka zhvilluar sot një takim pune me kryesuesin e Komisionit të Bundestagut gjerman për Çështjet e Bashkimit Evropian, Anton Hofreiter. Në qendër të këtij takimi ka qenë e ardhmja evropiane e Kosovës, ku është vlerësuar ecuria e deritanishme dhe hapat e mëtutjeshëm në këtë proces integrues. Gjatë bisedës, palët janë ndalur te mbështetja e gjithanshme që Gjermania dhe Bashkimi Evropian i ofrojnë vendit në rrugën e reformave dhe përmbushjes së kritereve evropiane. Po ashtu, gjatë këtij takimi është theksuar rëndësia e arritjes dhe ruajtjes së një stabiliteti institucional afatgjatë në Kosovë, si parakusht kyç për zhvillimin dhe suksesin e agjendës evropiane.