Nis fluturimi i ish-sulmuesit të Elbasanit: Amarildo Gjoni shënon golin e parë në tokën polake

Ish-sulmuesi i skuadrës së Elbasanit, Amarildo Gjoni, ka realizuar rrjetën e tij të parë në futbollin polak, duke lënë menjëherë shenjë në aventurën e tij të re. Gjoni ka ftuar portën në ndeshjen miqësore mes Wieczysta dhe Puszcza, e cila në momentet e zhvillimit të takimit po shënon rezultatin e pjesshëm 2-3. Lojtari ofensiv ka shfrytëzuar saktësisht penalltinë në minutën e 16-të, duke kaluar skuadrën e tij në epërsi, ndërsa vendasit kanë reaguar menjëherë duke barazuar shifrat vetëm dy minuta më vonë. Vlen të theksohet se gjatë edicionit 2024-2025, Gjoni ka qenë pjesë e rëndësishme e Elbasanit, për t'u transferuar më pas te klubi i njohur FC Sheriff Tiraspol.