Kryeministri në detyrë Kurti dhe kreu i PDK-së, Hamza, në takim të paralajmëruar për sot: Në tryezë ndryshimet në Ligjin për Dhomat e Specializuara

Kryeministri në detyrë, Albin Kurti, dhe kryetari i Partisë Demokratike të Kosovës, Bedri Hamza, pritet të zhvillojnë një takim të përbashkët gjatë ditës së sotme, ku fokusi kryesor do të jetë skena politike dhe zhvillimet rreth drejtësisë ndërkombëtare. Sipas informacioneve të siguruara, takimi mes dy krerëve të politikës vendase është planifikuar të mbahet gjatë orëve të pasdites të kësaj të premteje. Në qendër të bisedimeve mes tyre do të jetë nisma legjislative që synon ndryshimin dhe plotësimin e Ligjit për Dhomat e Specializuara, çështje kjo që ka ngritur debate të shumta në opinionin publik. Derimë tani, autoritetet nuk kanë publikuar detaje shtesë sa i përket vendndodhjes së saktë apo orarit të saktë se kur do të zhvillohet ky takim i rëndësishëm.