Skandali me videot intime, kompozitori i njohur Adrian Hila përballet me drejtësinë

Kompozitori i mirënjohur Adrian Hila është vënë nën hetim nga organet kompetente, ndërkohë që materialet proceduriale i kanë kaluar prokurorisë për veprën penale të “Ndërhyrjes së padrejtë në jetën private”. Ky veprim ligjor ka ardhur pasi autoritetet kanë konstatuar se pajisja e sigurisë, e cila ka kapur pamjet, ishte instaluar personalisht nga vetë ai. Ndërkaq, grupi hetimor po vijon verifikimet e thelluara për disa vepra të tjera penale, ku përfshihen “Përgjimi i paligjshëm i të dhënave kompjuterike”, “Ndërhyrja në të dhënat kompjuterike”, si dhe “Keqpërdorimi i pajisjeve”.