Kryeministri Kurti takon diplomaten e SHBA-së, Anu Prattipati: Në fokus zhvillimet aktuale politike

Kreu i ekzekutivit të Republikës së Kosovës, Albin Kurti, ka zhvilluar një takim zyrtar me të Ngarkuarën me Punë të Ambasadës së Shteteve të Bashkuara të Amerikës në vendin tonë, Anu Prattipati. Gjatë këtij takimi, diplomatja amerikane Prattipati i ka përcjellë urimet e saj kreut të qeverisë për konstituimin e ekzekutivit dhe marrjen e mandatit të ri qeverisës. Nga ana e tij, kryeministri Kurti ka shprehur mirënjohjen e thellë për mbështetjen e pakursyer që Shtetet e Bashkuara të Amerikës i kanë dhënë vazhdimisht Kosovës, duke vlerësuar lart partneritetin dhe bashkëpunimin dypalësh.