Partizani krenohet gjatë pushimit

Dion Vata dhe Elson Himallari kanë bërë një tjetër hap të rëndësishëm në rrugëtimin e tyre, duke luajtur me fanellën e Kombëtares shqiptare U19. Të dy futbollistët e Akademisë së Partizanit u aktivizuan në miqësoren ndaj Lituanisë, e fituar nga Shqipëria me rezultatin 3-2. Vata e nisi ndeshjen si titullar dhe qëndroi në fushë deri në minutën e 83-të, ndërsa Himallari u aktivizua në minutën e 63-të. Një debutim pozitiv për dy prej talenteve që po formohen në Akademinë e Partizanit, duke treguar personalitet dhe duke konfirmuar progresin e tyre. Për Akademinë, prezenca e Dionit dhe Elsonit me Kombëtaren U19 është një tjetër dëshmi e punës së bërë me brezat e rinj dhe e rrugës që talentet e kuq mund të ndjekin drejt niveleve më të larta. Por rrugëtimi sapo ka nisur. Shqipëria U19 do të zhvillojë edhe një tjetër miqësore ndaj Lituanisë më 2 tetor, në stadiumin e Vorës.