Fundjava nis me diell: Ja parashikimi i motit për të premten

Dita e premte do të karakterizohet nga një mot kryesisht i kthjellët dhe me diell. Gjatë orëve të pasdites, në qiell pritet të shfaqen vetëm vranësira të pakta dhe kalimtare të shtresave të larta, të cilat nuk do të ndikojnë në stabilitetin e motit. Megjithatë, orët e para të mëngjesit do të vijojnë të jenë mjaft të freskëta. Sa i përket parametrave të erës, ajo do të fryjë nga drejtimi i veriut dhe verilindjes, me një shpejtësi që do të luhatet nga 10 deri në 37 km/h. Temperaturat do të shënojnë rritje të lehtë, ku vlerat minimale do të regjistrohen nga 4 deri në 7°C, ndërsa temperaturat maksimale gjatë ditës do të arrijnë në 20 deri në 23°C.