Fotografia me Donald Trump, Edi Rama u kundërpërgjigjet kritikëve me ironi thumbuese

Kryeministri i Shqipërisë, Edi Rama, ka ndarë me ndjekësit e tij në rrjetet sociale një imazh ku närfshihet krah presidentit të Shteteve të Bashkuara, Donald Trump. Ky veprim vjen si kundërpërgjigje ndaj zërave kritikë në vend, të cilët herë pas here e kanë akuzuar kreun e ekzekutivit shqiptar se nuk ka mundur të sigurojë një takim me liderin e njohur amerikan. Me anë të një doze të fortë ironie, shefi i qeverisë shqiptare është tallur me pretendimet e kundërshtarëve, duke u shprehur se pamja është realizuar përmes inteligjencës artificiale, por duke lënë të kuptohet e kundërta. "Meqë s’e takova dot, siç thanë ata që çfarë nuk thonë, po asgjë s’bëjnë e s’na bëjnë dot, u detyrova ta bëj me IA. Po thuajuni atyre të bëjnë kujdes, se dro del që s’është IA dhe dalin prap si kokrrat e kandarit", ka shkruar Rama në mesazhin e tij.