“Të pavërtetat nuk e njollosin historinë tonë” – Kënga e re e Ilir Shaqirit mbrojtje e fortë për UÇK-në

Këngëtari i njohur shqiptar, Ilir Shaqiri, i ka kushtuar një krijim artistik të ri tematikës së luftës, vlerave të çlirimtarëve dhe Kosovës, të cilin e ka titulluar “Jo në emrin tim”. Përmes vargjeve të sapopublikuara, artisti riaffirmon mbështetjen e tij të palëkundur ndaj Ushtrisë Çlirimtare të Kosovës dhe veteranëve të saj, duke reaguar ashpër ndaj çdo tentative për tjetërsimin e të kaluarës. “Me gënjeshtra e sajime e njollosin luftën time”, shprehet ndër të tjera Shaqiri në mesazhin e tij përcjellës. Më poshtë gjenden vargjet e plota të publikuara nga vetë këngëtari: Me të drejtë pyes botën sytë ku i ka? I shpërblen armiqtë që na kanë vra Me gënjeshtra e sajime E njollosin luftën time Vështirë e kanë mes ballit me na pa, Këto tri shkronja tona t’shenjta Nëpër breza rrojnë te zemra Gjersa dielli tokës ka me i ra. S’ka as ditë të mbarë Ditë-përditë na e shkelin n’fyt lirinë Për shtatë faje që kurrë si kem ba. Me gënjeshtra e sajime E njollosin luftën time Vështirë e kanë mes ballit me na pa. Këto tri shkronja tona t’shenjta Nëpër breza rrojnë te zemra Gjersa dielli tokës ka me i ra… S’ka as ditë të mbarë