Përgjysmim i rasteve të dhunës në familje në rajonin e Ferizajt gjatë shtatorit

Drejtoria Rajonale e Policisë në Ferizaj ka intensifikuar aktivitetet dhe fushatat sensibilizuese me qëllim parandalimin dhe luftimin e dukurisë së dhunës në familje. Bazuar në të dhënat zyrtare, gjatë muajit shtator 2026 në këtë rajon janë regjistruar gjithsej 10 raste të dhunës në familje. Sipas shpërndarjes gjeografike, 6 raste kanë ndodhur në Ferizaj, dy në Kaçanik, ndërsa nga një rast është shënuar në komunën e Shtimes dhe atë të Shtërpcës. Për krahasim, në të njëjtën periudhë të vitit të kaluar, respektivisht në muajin shtator 2025, autoritetet kishin regjistruar 20 raste të tilla. Atë kohë, epërsia e rasteve i takonte qytetit të Ferizajt me 13 sosh, e ndjekur nga Shtimja me 4 raste dhe Kaçaniku me 3 raste. Sipas Policisë së Kosovës, statistikat e muajit shtator 2026 dëshmojnë një rënie të ndjeshme prej 50 për qind të rasteve të dhunës në familje, në raport me muajin shtator të vitit 2025.