Ndryshim në krye të KFOR-it: Gjeneralmajori italian Roberto Vergori merr drejtimin e misionit në Kosovë

Misioni paqeruajtës i NATO-s në vendin tonë, KFOR, do të kalojë sërish nën udhëheqjen e Italisë, e cila bëhet gati të marrë frerët e komandës. Pozita e komandantit të ardhshëm të kësaj force shumëkombëshe i është besuar gjeneralmajorit Roberto Vergori, një ushtarak karriere nga Italia me një ekspertizë të pasur në njësitë ajrore dhe në operacione të ndryshme ndërkombëtare. Ceremonia zyrtare e dorëzimit të detyrës është paraparë të zhvillohet më 14 tetor, duke filluar nga ora 11:00, në selinë qendrore të KFOR-it në kryeqytetin e Kosovës, Prishtinë. Gjatë këtij solemniteti, gjeneralmajori i Ushtrisë turke, Özkan Ulutash, do t'i dorëzojë zyrtarisht mandatin e udhëheqjes pasardhësit të tij italian, Roberto Vergori. Ngjarja e rëndësishme e transferimit të komandës do të drejtohet nga admirali George M. Wikoff, i cili është në krye të Komandës së Forcave të Përbashkëta Aleate me seli në Napoli.