Kufizim i qarkullimit: Policia paralajmëron mbylljen e dy akseve rrugore në kryeqytet

Policia e Kosovës ka bërë të ditur se duke filluar nga ora 15:00, dy rrugë kyçe në qytetin e Prishtinës, konkretisht “Luan Haradinaj” dhe “Enver Zymeri”, do të bllokohen përkohësisht për qarkullimin e automjeteve. Kjo masë sigurie ndërmerret për shkak të zhvillimit të protestës mbarëpopullore të paralajmëruar për sot në orën 16:00. Tubimi organizohet për të shprehur mbështetjen ndaj ish-udhëheqësve të Ushtrisë Çlirimtare të Kosovës, si dhe për të kundërshtuar hapur vendimin e fundit të Dhomave të Specializuara.