Skandali me videot intime në rrjet, Policia e Tiranës thërret në pyetje kompozitorin Adrian Hila

Drejtoria Vendore e Policisë së Tiranës ka ndërmarrë hapa konkretë këtë të enjte, duke thirrur për t'u marrë në pyetje kompozitorin e njohur Adrian Hila. Kjo thirrje vjen pas publikimit dhe shpërndarjes masive të disa videove me përmbajtje intime një ditë më parë në platformat e ndryshme të rrjeteve sociale. Në kuadër të hetimeve dhe procedurave policore, efektektivët e rendit janë paraqitur personalisht në banesën e artistit për të vendosur kontakt dhe për ta shoqëruar për pyetje, mirëpo ai nuk është konstatuar në ambientet e shtëpisë gjatë kontrollit. Sipas raportimeve të gazetares Kleida Muka, autoritetet kanë arritur të komunikojnë në rrugë telefonike me kompozitorin Hila. Gjatë bisedës me policinë, ai është shprehur se ndodhet në gjendje të rëndë psikologjike dhe tejet i tronditur nga ngjarja, duke garantuar se do të paraqitet vetë në organet kompetente sapo të kthehet në kryeqytet. Intervistimi i paralajmëruar i kompozitorit lidhet ngushtësisht me materialet filmike intime që pushtuan hapësirën digjitale dhe u bënë virale gjatë ditës së djeshme, duke shkaktuar reagime të shumta në opinionin publik. Kujtojmë se gjatë ditës së djeshme, Njësia e Hetimeve të Krimeve Kibernetike ka nisur verifikimet zyrtare, duke analizuar me kujdes përmbajtjen, autenticitetin dhe burimin e origjinës së materialeve të ndjeshme që u hodhën në qarkullim në internet.