Incident i pazakontë në stërvitje, Gjermania humbet mbrojtësin kyç para ndeshjeve vendimtare

Përfaqësuesja e Gjermanisë ka pësuar një goditje të rëndë në prag të ndeshjeve ndaj Serbisë dhe Greqisë, pasi trajneri i njohur ka mbetur pa një nga futbollistët e tij më të rëndësishëm në repartin e prapavijës. Mbrojtësi Niko Shloterbek është detyruar të braktisë grumbullimin e kombëtares pas një dëmtimi të rëndë të pësuar gjatë seancës stërvitore, në rrethana mjaft të çuditshme. Sipas burimeve mediatike, lojtari i Borussia Dortmund ka pësuar këputje të ligamentit anësor të kaviljes së djathtë. Ngjarja ka ndodhur gjatë ushtrimeve të nxehjes, kur grupet prej katër lojtarësh po ushtroheshin në driblimin mes piketave. Incidenti ndodhi pasi Shloterbek u ngatërrua dhe u fut në grupin fqinj. Gjatë përpjekjes për të shmangur bashkëlojtarin Jeltsh me një lëvizje teknike, ai ka përdredhur keq kaviljen, duke u rrëzuar menjëherë në fushë në shenjë dhimbjeje. Në çastet e para, futbollistët prania e të cilëve ishte në fushë menduan se bëhej fjalë për një skenë humori, por shumë shpejt u ndërgjegjësuan për seriozitetin e situatës. Ekzaminimet mjekësore konfirmuan dëmtimin që do ta mbajë anësorin jashtë fushave të blerta për disa javë. Megjithatë, një lajm disi ngushëllues është fakti se dëmtimi nuk kërkon operacion kirurgjikal. Vlen të kujtohet se lojtari kishte kaluar disa muaj jashtë fushave për shkak të një dëmtimi të ngjashëm gjatë Kupës së Botës, dhe vetëm kohët e fundit kishte arritur të rikthehej në formën e tij më të mirë në radhët e kombëtares.