Struga Trim Lum përmbys epërsinë dhe barazon në miqësoren ndaj Novacit

Pasditen e sotme, qyteti i Strugës ka qenë nikoqir i një ndeshjeje miqësore futbolli mes skuadrës vendase Struga Trim Lum dhe ekipi të Novacit. Dueli ka prodhuar katër gola dhe është mbyllur pa fitues, me rezultatin e barabartë 2:2. Pjesa e parë e takimit i a kushtuar plotësisht mysafirëve nga Liga e Dytë, të cilët arritën të krijonin një epërsi të dyfishtë prej 0:2. Golat për Novacin u realizuan nga Nikola Taleski, i cili u tregua i saktë nga pika e bardhë e penalltisë, dhe Stefan Spirovski. Megjithatë, fraksioni i dytë i lojës solli një tjetër fytyrë nga struganët, të cilët reaguan fuqishëm për të evituar humbjen. Adrian Zendelovski dhe Marjan Radeski ishin autorët e golave që vunë ekuilibrin në rezultat dhe vulosën shifrat përfundimtare 2:2. Kjo sfidë kontrolli ka shërbyer si një test tejet i vlefshëm për trajnerin e Strugës, Bledi Shkëmbi. Ai ka shfrytëzuar rastin për të aktivizuar dhe për t'i dhënë hapësirë më të madhe në fushë atyre lojtarëve që kanë pasur më pak minuta loje gjatë pjesës së kaluar të sezonit, duke u dhënë mundësinë të dëshmojnë potencialin e tyre.