Formë e shkëlqyer e Prishtinës, statistikat mbresëlënëse të golashënuesve në gjashtë ndeshjet e para

FC Prishtina po shfaq një paraqitje fantastike përgjatë këtij edicioni në Superligën e Kosovës në futboll, duke dominuar bindshëm në fazën e parë të kampionatit. Bardheblutë kanëregjistruar vetëm fitore në gjashtë duelet e para, duke u renditur në krye të tabelës me 18 pikë të plota në elitën e futbollit tonë. Nëpërmjet një njoftimi zyrtar në rrjetet sociale, klubi ka bërë të aformë se efikasiteti në sulm është ndarë mes shtatë lojtarëve të ndryshëm, të cilët kanë realizuar gjithsej 18 herë në gjashtë takimet e deritanishme. Kontributin kryesor në fazën offensive e ka dhënë Assane Diatta me 6 gola, i ndjekur nga Albin Krasniqi me 4 finalizime dhe Arjanit Fazlija me 3 gola. Ndërkohë, listës së realizatorëve i janë shtuar edhe Kastriot Selmani me 2 gola, si dhe Ardian Hasani, Diar Halili e Anio Poçi, secili me nga 1 gol të shënuar.