Analisti Muharremi: 102 milionë eurot e qeverisë duheshin për Gjykatën Speciale dhe lobim, jo për pagën e 13-të

Eksperti i ekonomisë, Shenoll Muharremi, ka adresuar kritika të forta ndaj ekzekutivit lidhur me mënyrën se si janë planifikuar dhe shpërndarë fondet prej 102 milionë eurosh. Sipas tij, këto mjete financiare do të ishte shumë më e udhës të orientoheshin drejt mbrojtjes juridike dhe procesit të Apelit në Gjykatën Speciale, si dhe drejt fuqizimit të diplomacisë dhe lobimit në rrafshin ndërkombëtar. Ndërkohë, ndarjen e pagës së 13-të për një kategori të caktuar të punonjësve, Muharremi e ka quajtur një keqmenaxhim të parasë publike. Ai ka paralajmëruar se kjo vendimmarrje mund të sjellë efekte anësore negative në ekonomi, duke stimuluar rritjen e konsumit, zgjerimin e importeve dhe ngritjen e inflacionit.