Mbështetja e BE-së, Ursula von der Leyen: 63 institucione arsimore u morën nën kujdes në Shqipëri

Kreu i Komisionit Europian, Ursula von der Leyen, ka bërë të ditur se përmes nismës speciale “BE për shkollat” janë ringritur dhe rinovuar gjithsej 63 institucione arsimore në të gjithë vendin. Gjatë një konference për shtyp të zhvilluar krah kryeministrit Edi Rama, ajo solli në vëmendje ndihmën e pakursyer të Bashkimit Europian në periudhën pas tragjedisë së tërmetit të vitit 2019, duke nënvizuar se ky projekt arsimor përbënte një shtyllë kyçe të kësaj solidarësie. “Këta udhërrëfyes do e shndërrojnë rrugën drejt anëtarësimit në hapa konkretë. I dashur Edi, nesër në mëngjes do të kemi kënaqësinë që të vizitojmë shkollën Emin Duraku. Në vitin 2019 kur Shqipëria u godit nga tërmeti dhe i mbaj mend ato ditë të tmerrshme, ne thamë që Europa do të qëndrojë krah jush. Dhe ne qëndruam krah jush. Programi BE për shkollat është një program që vërtetë më pëlqen shumë. Me anën e këtij programi u rindërtuan apo rikonstruktuan 63 shkolla, mes të cilave edhe Emin Duraku.. Me shumë kënaqësi pres vizitën nesër”, u shpreh ndër të tjera zyrtarja e lartë evropiane.