Gjakovë: Miratohet buxheti prej mbi 43 milionë euro për vitin 2027

Kuvendi Komunal i Gjakovës ka votuar pro planit financiar të komunës për vitin 2027, i cili kap shifrën prej 43 milionë e 715 mijë e 897 eurosh. Sipas të dhënave të paraqitura nga drejtori i Financave, Durim Halilaj, ky vendim është marrë pas një procesi votimi ku 21 anëtarë të kuvendit kanë mbështetur buxhetin, 10 kanë votuar kundër, ndërsa nuk është regjistruar asnjë abstenim. “Me 21 vota për, 0 abstenim, dhe 10 kundër miratohet buxheti i Komunes se Gjakoves për vitin 2027. Buxheti i Komunes së Gjakoves për vitin 2027 është 43,715,897€”, ka deklaruar Halilaj përmes një njoftimi zyrtar.