Lajmetereja | --:-- | Kosovë & Rajoni
Kronikë

Tragjedi në Itali: Humb jetën 31-vjeçarja shqiptare, të miturit në spital pas aksidentit të rëndë

Redaksia Lajmetereja • 22-11-2026 21:23
Shpërndaj:
Reklamë e Sponsorizuar
Tragjedi në Itali: Humb jetën 31-vjeçarja shqiptare, të miturit në spital pas aksidentit të rëndë
Një ngjarje e rëndë ka tronditur komunitetin shqiptar dhe atë italian, pasi 31-vjeçarja Emanuela Shahini ka ndërruar jetë si pasojë e një aksidenti fatal rrugor. Ngjarja ka ndodhur mesditën e së dielës, më 22 nëntor, në zonën Villanova të Prata di Pordenone. Sipas të dhënave paraprake, automjeti me të cilin po udhëtonte e reja ka humbur kontrollin për shkak të rrugës së lagur nga shiu, duke u përplasur fillimisht me një shtyllë betoni e më pas duke u përmbysur. Në mjet ndodheshin edhe tre të mitur, të moshave 8, 11 dhe 15 vjeç, të cilët mendohet se po shkonin drejt një feste ditëlindjeje. Dy prej tyre ishin fëmijët e viktimës. Emanuela Shahini u dërgua me helikopter drejt spitalit të Pordenones, por fatkeqësisht plagët e marra rezultuan fatale. Ajo ndërroi jetë rreth orës 12:30, vetëm një orë pas përplasjes së rëndë. Sa i përket gjendjes së të miturve, 15-vjeçarja, e cila është vajza e viktimës, ka pësuar lëndime të rënda dhe iu nënshtrua reanimimit në vendngjarje. Ajo u transportua me urgjencë në spitalin 'Santa Maria degli Angeli' në Pordenone dhe, ndonëse gjendja e saj mbetet shqetësuese, mjekët raportojnë se ajo nuk është në rrezik për jetën. Ndërkohë, dy të miturit e tjerë, 8 dhe 11 vjeç, janë shtruar për trajtim mjekësor në spitalin e Udines. Në vendin e aksidentit mbërritën menjëherë ekipet e shpëtimit, përfshirë zjarrfikësit që bënë të mundur nxjerrjen e të plagosurve nga automjeti, si dhe autoambulanca e helikopteri. Karabinierët kanë nisur hetimet për të zbardhur dinamikën e plotë të kësaj tragjedie. Ky lajm ka prekur thellë banorët e Prata di Pordenones. Kryetarja e bashkisë, Katia Cescon, ka përcjellë mesazhin e saj të ngushëllimit për familjen e 31-vjeçares. 'Në emrin tim dhe të gjithë administratës bashkiake, shpreh ngushëllimet më të thella për familjen e Emanuelës për këtë tragjedi të madhe. Një nënë e re, e marrë shumë herët nga jeta. Mendimet tona më të përzemërta dhe solidariteti shkojnë për fëmijët e saj dhe të gjithë të afërmit, të cilëve u qëndrojmë pranë në këtë moment dhimbjeje të papërshkrueshme', ka deklaruar Cescon.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm:

Lajmet e Reja, gjithmonë me ty

Ndiq lajmet më të fundit edhe nga aplikacioni në telefon.

Privatësia dhe Cookies

Ne përdorim cookies dhe teknologji të palëve të treta (si Google AdSense) për të analizuar trafikun dhe për të personalizuar përmbajtjen dhe reklamat. Duke vazhduar navigimin, ju pranoni përdorimin e tyre. Lexoni më shumë në Politikën e Privatësisë.

Reklamë e Sponsorizuar