Beteja ligjore për Pishë-Poro-Nartën, PD i drejtohet Gjykatës Kushtetuese: Si iu hap rruga ndërtimeve në zonën e mbrojtur

Partia Demokratike ka ndërmarrë një hap zyrtar për mbrojtjen e ekosistemit të Pishë-Poro-Nartës. Deputetja Ina Zhupa ka dorëzuar në Gjykatën Kushtetuese një kërkesë-ankesë për të kundërshtuar ligjin që sipas opozitës i hap dritën jeshile projekteve të betonizimit në këtë hapësirë natyrore të ndjeshme. Pas dorëzimit të dosjes në institucionin e drejtësisë, Zhupa ka sqaruar për mediat se provat e depozituara dëshmojnë një ndryshim të qëllimshëm dhe me faza të shkallës së mbrojtjes së territorit, me qëllimin e vetëm për të mundësuar zhvillimin e ndërtimeve. "Sapo dola nga Gjykata Kushtetuese ku dorëzova një ankim. VKM që kemi sjellë tregon se fillimisht ulet mbrojtja e Pishë-Poro-Nartë. Ka kategoria e 4, kalohet në kategorinë e 5, në peizazh të mbrojtur", u exprsua ligjvënësja demokrate, duke analizuar metamorfozën ligjore të statusit të zonës. Më tej, ajo ka vënë in focus faktin se edhe gjatë fazës kur territori ishte klasifikuar si peizazh i mbrojtur, ligji i atëhershëm vendoste filtra të rreptë dhe ndalonte çdo ndërhyrje në një përqindje të lartë të sipërfaqes. "Më pas nga kategoria 5, sipas ligjit të kohës, edhe ky peizazh i mbrojtur kishte zonim, ku nuk lejohej të ndërtohej. Ndërsa 43% e peizazhit në Pishë-Poro nuk lejohej që të ndërtohej. Por më pas, me ligjin e ri, lejohet të ndërtohet në Pishë-Poro", shtoi ajo. Në përfundim, deputetja e PD-së ka ngritur shqetësimin madhor mbi mekanizmat se si një pasuri natyrore e mbrojtur është përfshirë në skemat që lejojnë sipërmarrjet ndërtimore, duke i bërë thirrje Gjykatës Kushtetuese që ta trajtojë me seriozitet maksimal këtë çështje jetike për mjedisin.