Aktuale
Kushtet e motit lënë vendin pa rrymë, KEDS jep detajet për zonat e prekura dhe aksionin në terren
Reklamë e Sponsorizuar
Erërat e fuqishme që përfshinë vendin gjatë mbrëmjes së së enjtes kanë shkaktuar dëme të konsiderueshme në infrastrukturën e rrjetit elektrik, duke sjellë ndërprerje të furnizimit me energji për një numër konsumatorësh në disa rajone të ndryshme.
Lidhur me këtë situatë, zyrtarja e KEDS-it, Belona Dallaveraj, ka bërë të ditur se zonat që kanë pësuar ndikimin më të madh nga moti i keq përfshijnë Prishtinën, Gjakovën, Dragashin, Prizrenin, Suharekën, Kamenicën, Gjilanin, Kaçanikun, Lipjanin, Shtimen, Drenasin, Obiliqin, Fushë-Kosovën, Podujevën dhe Ferizajn.
Sipas saj, reagimi i ekipeve emergjente ka qenë i menjëhershëm sapo kushtet atmosferike janë përmirësuar. "Brenda tri orëve të para pas qetësimit të motit, ekipet tona kanë arritur të normalizojnë furnizimin me energji elektrike për rreth 80% të konsumatorëve të prekur, ndërkohë që janë lokalizuar problemet me shtylla dhe përçues në pothuajse të gjitha pikat e rrjetit shpërndarës ku janë evidentuar dëmtime", u shpreh Dallaveraj, duke shtuar se angazhimi në terren po vazhdon deri në sanimin e plotë të çdo defekti.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: