Publikuar më: Presidenti amerikan, Donald Trump, sërish ka përmendur se ka pasur rol në ndalimin e disa konflikteve, përfshirë mes Kosovës dhe Serbisë. Ai e ka përmendur këtë fill pas takimit që ka zhvilluar me presidentin rus, Vladimir Putin, në Alaskë. “Kam negociuar përfundimin e pesë luftërave”, ka thënë ai derisa është ndaluar nga gazetari i “Fox News”, i cili ia ka numëruar ato – India-Pakistan, Izrael-Iran, Ruanda-Kongo, Serbia-Kosova, Kamboxhia-Tajlanda, Azerbajxhan-Armenia. “Ne bëmë diçka të jashtëzakonshme”, është përgjigjur Trump. Presidenti amerikan ka thënë disa herë tashmë se ka ndaluar një konflikt në Kosovë së fundi, e se ka shpëtuar shumë jetë me këtë veprim. “Ndalëm diçka që ishte gati të niste”, pati thënë ai më 8 gusht për konfliktin e pretenduar Kosovë-Serbi. Presidentja e Kosovës, Vjosa Osmani, në korrik pati pohuar deklarimet e Trumpit duke thënë se në fund të majit këtë vit ndaj Kosovës janë kryer veprime me tendencë përshkallëzuese nga Serbia. Ajo i pati krahasuar këto veprime të ngjashme me sulmin në Banjskë