Politikë
Jakup Krasniqi përfundon vizitën e dytë familjare në Prishtinë, rikthehet nën mbikëqyrjen e EULEX-it
Reklamë e Sponsorizuar
Ish-kryetari i Kuvendit të Kosovës, Jakup Krasniqi, ka përmbyllur ditën e dytë të qëndrimit në familjen e tij në Prishtinë. Pas disa orësh të kaluara në ambientet e shtëpisë, ai është larguar nën masa të shtuara të sigurisë, duke u shoqëruar nga automjetet e misionit të EULEX-it.
Sipas informacioneve të siguruara, ish-kreu i legjislativit do të vijojë qëndrimin e tij në Kosovë edhe për dy ditë të tjera. Aktualisht, pas largimit nga vendbanimi i tij, Krasniqi është dërguar dhe po mbahet në zyrat e EULEX-it.
Kjo vizitë e përkohshme vjen si pasojë e një vendimi të Trupit Gjykues pranë Dhomave të Specializuara, të cilët, duke u bazuar në arsye humanitare bindëse, autorizuan Zyrën Administrative që të organizojë këtë vizitë të kontrolluar në Kosovë.
Kujtojmë se Jakup Krasniqi, më 16 shtator të këtij viti, u shpall fajtor nga Dhomat e Specializuara në shkallën e parë, ku ndaj tij u shqiptua dënimi prej 25 vitesh burgim.
Reklamë e Sponsorizuar
Ky artikull është përgatitur dhe verifikuar nga redaksia e Lajmet e Reja. Të gjitha të drejtat janë të rezervuara.
Reklamë e Sponsorizuar
Shpërndaj këtë lajm: